Nadham “ANEUK NABI” Lam Bahsa Aceh

ANEUK NABI

Geuposting Le: Tgk Edi Syuhada, S.S

Aneuk Nabi beutaturi na tujoh droe
Lhe droe agam nyang peut droe treuk ureung binoe
Nyang phon Qasim nyang keudua nan Abdullah
Lhe Ibrahim nyang keuh aneuk bak Mariyah
Teuma nyang keu peut ureung binoe deungo lon peugah
Peut Fathimah limong Zainab nam Ruqayyah
Nyang keu Tujoh Ummi Kalsum oh noe sudah
Nyan keuh ibu ureung mukmin ridha Allah

(Syahdan: Bandum aneuk Nabi lahe nibak rahim Siti Khadijah R.A meulaen Ibrahim gobnyan lahe dari rahim Mariyyah R.A)

Nadham Nyoe Keuneubah Ulama Awai, Kamoe Teurimong, Kamoe Meurunoe ngon Kamoe Hafai Nibak Gure-Gure Yoh Wate Kamoe Mantong Cut…
Kamoe Lake Nibak Droe Neuh Nyang Heut Neupeuguna Nadham Nyoe,  Neuhadiah Pahla Fatihah Sigoe Troh Keu Ulama Ngon Teungku-Teungku Nyang Ka Geutem Peutimang ngon Geukembang Nadham Nyoe, Sampoe Troh an Geutanyoe Uroe Nyoe..Nibak Allah Po Teuh Sidroe ta Meulake Beuroh Mate Geutanyoe lam Taat, Beugeupeusahoe Geutanyoe Roh Lam Kawan Ulama, Ureung-Ureung Shaleh, Aulia Allah, Shiddiqin, Meunan Cit Sajan Saidil Mursalin Nabi Muhammad nibak Uroe Dudoe…Amiin-Amin Ya Rabbal ‘Alamin


Geupeusaho ngon Geutuleh Kelai Le Ureung Hina Teungku Edi Syuhada, Salah Sidroe Khadam Thalabah Bak Dayah“Darul Ihsan” Abu Krueng Kalee

8 thoughts on “Nadham “ANEUK NABI” Lam Bahsa Aceh

Leave a Reply

Your email address will not be published. Required fields are marked *